Jogu Final no Serimonia Entrega Taxa ba Manan Nain sira iha Taxa Afama no Femenina F-FDTL
ENSERA TAXA AFAMA NO FEMENINA F-FDTL CUP HUSI XEFE ESTADU MAIOR JENERÁL FALINTIL-FORSA DEFEZA TIMOR LESTE (F-FDTL)
Kuartel Jenerál Fatuhada, 05 Novembru 2022
Xefe Estadu Maior Jenerál FALINTIL-Forsa Defeza Timór Leste (F-FDTL), Tenente Jenerál Domingos Raul “Falur Rate Laek” ohin Sabadu ensera TAXA AFAMA no FEMENINA F-FDTL CUP iha kampu futsal F-FDTL fatuhada, TAXA AFAMA no FEMENINA F-FDTL CUP refere loke ba ekipa Feto no Mane ne’ebé iha talentu kona-bá futsal.
Iha Final TAXA AFAMA no FEMENINA F-FDTL CUP ne’e, ekipa Feto husi Maudoko FC kontra Buset FC, iha jogu refere ekipa Buset FC konsege halakon ekipa Maudoko FC ho skore 2 a 1, ho nune’e ekipa Buset maka sai vensedór iha Taxa AFAMA no FEMENINA F-FDTL CUP ba Ekipa feto nian, nune’e mós ba ekipa mane, husi Ramelau FC kontra Mushila FC, jogu entere klubu rua refere ekipa Ramelau konsege halakon ekipa Mushila ho ekore 2 a 0, ho nune’e ekipa Ramelau maka sai Vensedor iha Taxa AFAMA no FEMENINA F-FDTL CUP.
Iha diskursu Xefe Estadu Maior Jenerál F-FDTL Falur Rate Laek hateten, hau fo parabéns ba juventude feto ho mane ne’ebé iha talentu ba futsal hodi bele mai hatudu iha eventu ne’e, hakarak hateten ita bo’ot sira maka sai hanesan funu nain sira ne’ebé foun para hametin ita nia unidade, paz no estabilidade iha ita nia rai, tamba ne’e ita bo’ot sira merese fo parabéns ba imi, liliu ba sira ne’ebé maka manan nain sira nune’e mós ba sira ne’ebé lakon tamba sira mós partisipa maka ita bo’ot sira manan tamba ne’e maka hau fo parabéns ba imi hotu.
Hakarak hateten tan kata kami Militár nia prezensa iha ne’e hanesan istimuluida, hahalok ida ne’ebé fo korazen ba ita bo’ot sira, fob rani ba alin sira, oan sira ne’ebé hakarak hadomi duni bola, hadomi desportu, ida ne’e maka ami nia prezensa, ami laiha forsa atu fo apoiu material tomak ba imi maibé ami iha morál, ami iha dever autoriedade ne’ebé ami iha para fo apoiu ba ita bo’ot sira ne’ebé iha inisiativa bele halo ida ne’e. hateten Xefe Estadu Maior Jenerál, “Falur Rate Laek”.
Jogu ne’e realiza tamba AFAMA no Femenina F-FDTL, no suporta husi doadores ou sponsor sira, maka hanesan Fortuner star, Grand Dragon Lotaria ( REDSTAR )Timor Safari, Australia Defence Cooperation Program, MTG holding, Timor Telekom, Klubu Maudoko, Aqua Fresca no Nano sport.
Iha jogo final ne’e partisipa mós Sekretari Jerál FFTL nian, Director Executivu Grand Dragon Lotaria Komandantes Komponentes no Unidadades sira nian, doadores/sponsor sira nian, klubu jogadores sira no adeptus Sira.
