Grand Dragon Lotaria fahe Parsela Natal ba Irmas Alma hanesan Prezente Natal nian ba Labarik Defisiente hodi bele selebra natal ho kontenti liu tan. Objetivu ba asaun refere hodi tau matan no halo ligasaun ne’ebe di’ak ho labarik defisientes sira no kria amizade ho sosiedade ne’ebe besik liu edifisiu GD.
Eskola Alma dedikadu atu ajuda labarik ho defisiénsia sira hadi’a sira nia kapasidade mentál no fíziku. Labarik sira iha eskola hetan ona diagnóstiku ho defisiénsia fíziku no mentál sira, impedimentu ba ko’alia no moras Cerebro / kakutak. Partisipante sira husi eskola fornese sesaun terapeutika dala barak kada semana ba labarik liu 70 ho objetivu atu fasilita sira atu bele funsiona iha komunidade lokál laran, maske ho buat ne’ebé simples hanesan ba eskola publika.
