Grand Dragon Lotaria halo conferencia de imprensa hodi fo’o apresiasaun ba Grand Dragon Lotaria Off Road Racing Team ne’ebe mak sai melhor ekipa iha eventu Kupang-NTT
Iha conferensia ne’e rasik partisipa mos husi Off Roader Toni Lopes, Presidente Federasaun Off Road Timor-Leste Sr. Manuel De Araujo, Sénior Assessor Económico e Desenvolvimento da Presidência da República Sr. Doutor João Mendes Gonçalves, Sr. Almerio Soares no CEO Grand Dragon Lotaria Datuk Harry.
CEO Grand Dragon Lotaria ne’e hatete katak: Hanesan ema hotu hatene iha ami nia moto mak One Dollar One dream ‘Dolar Ida Mehi Ida’. Ami mak ema ne’ebé halo mehi ‘Dream makers’, no ami hanoin barak kona-ba mehi-na’in sira, ami gosta serbisu ho ema ne’ebé iha atensaun atu mehi boot hanesan ami nia Ekipa Grand Dragon Off Road Racing!
Ohin, ha’u hakarak hato’o ha’u-nia parabéns boot liu ba Ekipa Grand Dragon Off Road Racing, ne’ebé manán ona kompetisaun Espesial Faze Kampiaun Off Road 2023 iha Kupang Indonezia foin lalais nee. Ho sira nia prestasaun ne’ebe sira hetan halo nasaun ne’e orgullu, halo Timor-oan hotu orgullu.
Buat ne’ebé nia hetan mak buat ne’ebé furak tebes. Ida ne’e hatudu ba ema hotu valór servisu ekipa nian, dixiplina no espíritu atu manán! Ida ne’e hanesan modelu papél ba nasaun nee, no ami hein katak ida ne’e sei fó inspirasaun ba Timoroan barak liután atu hanoin bo’ot, no hanoin hanesan kampiaun ida. Ami hein ba Grand Dragon Off Road Racing Team atu manán taxa barak liután iha futuru, no kontinua halo nasaun sente orgullu!
Aleinde ne’e Grand Lotaria Off Road Racing Team mos hetan apresiasaun husi Presidente Federasaun Off Road Timor-Leste no Sénior Assessor Económico e Desenvolvimento da Presidência da República.
