Conferensia de Imprensa Grand Dragon Lotaria sai Patrosinador ba Federasaun Boxe Amadora Timor-Leste hodi ba kompete iha Kupang NTT partisipa husi Abilio Orlando dos Santos Treinador Nasional Federasaun Boxe Amadora Timor-Leste, Secretariu Geral Federasaun Boxe Amadora Timor-Leste Nelson Talise, Diretor Tecnico Federasaun Boxe Timor-Leste Sebastião da Silva, Diretor Ezecutivu Grand Dragon Lotaria Maximiliano Piedade no Boxistas Selesionado ba Sea Games Cambodia 2023.
Grand Dragon Lotaria felizmente sai patrosinador ba Atleta nain 6 husi Federasaun Boxe Amadora Timor-Leste ne’ebe sei ba kompete iha Kupang NTT iha loron 18 de Marsu 2023. Objetivu partisipasaun iha kompetisaun refere hanesan preparasaun ida ba atleta sira hotu atu bele halo observasaun ba atleta selesionado sira ne’ebe mak durante ne’e halo ona preparasaun hodi bele ba kompete ho masimu iha Sea Games Cambodia 2023.
Tuir prestasaun ne’ebe Atleta husi Federasaun Boxe Amadora Timor-Leste hetan ona iha tinan kotuk Sea Games Vietnam 2022 fiar katak ho preparasaun masimu husi atleta sira bele hetan tan rezultadu ne’ebe diak liu hodi hamorin Timor-Leste nia naran no bele hasa’e Bandeira Timor-Leste ho orgulho.
