Serimonia fahe premio ba Atleta, Treinador no Ofisial sira ne’ebe mak manan ona iha eventu internasional Sea Games Cambodia 2023 ho tema ‘OBRIGADO HEROI DESPORTU TIMOR-LESTE’
Relasiona ho eventu internasional Sea Games Cambodia 2023 ba dala 31 Timor-Leste mos partisipa iha eventu refere no atleta nain 8 husi modalidade 3 mak konsege hetan medalia osan metan. Ho ida ne’e Grand Dragon Lotaria ho felizmente sei fahe prezente ba ita nia heroi Desportu sira ne’ebe mak hamorin ona Timor-Leste nia naran liu husi kompete iha eventu internasional Sea games Cambodia 2023.
Objetivu fahe premiu ne’e hodi fo’o apresiasaun ba heroi desportu sira atu sira bele esforsu liu tan iha eventu ne’ebe tuir mai no fo’o motivasaun ba foin sa’e no atleta sira ne’ebe mak prepara hela sira nia an hodi bele atinji sira nia mehi.
Serimonia refere hala’o iha edifisiu Grand Dragon Lotaria no partisipa mos husi Vice Prezidente Comittee Olimpico Timor-Leste no estrutura, vice prezidente Confederasaun Desportu Timor-Leste, Prezidente Federasaun Taekwondo Timor-Leste, Vice prezidente federasaun Karate Timor-Leste, Reprezentante Federasaun Boxe Amadora Timor-Leste, Atleta nain 8 ne’ebe mak manan, Treinador 3, Ofisial 2, Diretor Ezecutivu no Grupu CEO.
