Festivál Fronteira 2023 “Interkambiu Kultural ba Hametin Rekonsiliasaun”

Festivál Fronteira 2023 nu’udár instrumentu pas ho objetivu atu hametin lasu amizade entre Timoroan sira ne’ebé fahe malu taba konflitu pasadu hosi tinan 1974 no hakotu iha tinan 1999 no hametin las amizade entre estadu rua.
Festivál Fronteira 2023 projeta promosaun ba dame, fraternidade umana, valoriza diversidade no pluralidade kultura entre Timor-Leste no Indonézia, promove no empodera komunidade ka sosiedade sira liu hosi aspeitu kulturál Istória ne’ebé refleta no inspira interasaun sosiál, bazeia ba prinsípiu respeta direitus umanus, toleransia no solidariedade mana no hari hikas kultura dame ne’ebé nia abut mai hosi fiar, matenek lokál, tradisaun, kultura no arte ne’ebé kontribui ba respeta valores umanu.

Festivál Fronteira 2023 sei realiza durante loron 4 (haat) iha loron 15 to’o 18 novembru 2023 no hala°o iha munisipiu Bobonaro. Festivál ne’e sei hala’o liu husi palestra, kolökiu hatudu performa ka aprezentasaun arte ho karater kontemporaniu ho nia tema Rekonsiliasaun.

Festivál Fronteira 2023 sei priénse ho atividade mak hanesan tuir mai ne’e: Semináriu ka Kolókiu iha atividade ida ne’e, lider istóriku sira husi Timor-Leste hanesan Prezidente Repúblika no Primeiru-Ministru no mos lider partidu polítiku istóriku sira sei halo palestra ba partisipante sira. Iha Semináriu ka Kolókiu ne’e, sei sai nu’udár:

Dahuluk, Realiza diseminasaun kona-ba Istória pasadu, fraternidade umana no rekonsiliasaun ba dame entre Timoroan sira; daruak, Konferénsia kona-ba interkulturál Timor-Leste, Timor Osidentál, Indonézia.

Vizita Sitiu Istoriku
Atividade ida ne’e sei fasilita partisipante interkambiu kulturál hodi visita fatin siti istóriku sira ne’ebé identifikadu nune’e iha konesimentu kona-ba patrimoniu kultura no istóriku. Organiza direta hosi Centro Chegal no Sekretariu Estadu Arte no Kultura.