Mai asiste hodi suporta imi nia klubu no atleta favorito!
Grand Dragon Lotaria sei selebra primeiru aniversariu ba tinan ida nian iha fulan Dezembru. Ho ida ne’e Grand Dragon Lotaria hala’o ona kolaborasaun ho Klubu Taekwondo Dojang Koni-TLS hodi bele selebra aniversariu refere sei eventu ba atleta Taekwondo sira hodi bele partisipa no kompete.
Eventu refere sei kompete husi Klubu/Dojang ne’ebe mak hamahan an iha Federasaun Taekwondo Timor-Leste (FTTL) iha teritoriu Timor laran tomak no kategoria atelta ne’ebe tuir mak Junior no Cadet. Eventu refere sei organiza husi Klubu bo’ot husi Federasaun Taekwondo Timor-Leste nian Dojang Koni-TLS ne’ebe mak durante ne’e hatudu ona prestasaun barak.
Objetivo Grand Dragon Lotaria komemora aniversario ho eventu Taekwondo nian “Grand Dragon Taekwondo Champioship 2022” hodi promove no fo’o oportunidade ba foinsa’e sira liliu iha areia desportu nian. Hanesan ita hotu hatene atleta Taekwondo barak mak hamorin ona Timor-Leste nian naran iha mundu internasional. Posibilidade Grand Dragon Lotaria sei kontinua fo’o apoio ba Federasaun Taekwondo hodi bele loke tan eventu tinan oin no tinan-tinan.
Mai asiste selebrasaun primeiru aniversariu Grand Dragon Lotaria iha Ginajio Desportu Dili eis GMT dia 2-3 de Dezembru 2022.
