Boxista Timor-Leste nain 6 ne’ebe selesionadu ba Sea Games Cambodia 2023 halo try out iha Kupang-NTT hodi halo preparasaun ba Sea Games Cambodia 2023 ne’ebe mak sei hala’o iha Fulan Maio tinan ne’e. Atleta sira ne’e hala’o viajen iha dia 18/03/2023 no iha dia 20/03/2023 atleta sira komesa kompete ona no hatudu rezultadu ne’ebe diak no maioria atleta Manan KO.
Rezultado jogu ba Boxista sira mak tuir mai ne’e:
- Alexander manan KO dala ida no lakon dala ida
- Delio manan KO dala rua
- Elidio manan KO dala ida no manan pontu dala ida
- Edigar manan pontu dala ida no manan KO dala ida
- Elisio manan pontu dala ida no manan KO dala ida
- Nobertu lakon
Grand Dragon Lotaria apresia tebes ba Federasaun Boxe Amadora Timor-Leste ne’ebe mak halo ona dezenvolvimentu ba atleta sira hodi bele partisipa iha eventu internasional hodi bele hamorin nasaun nia naran liu husi atleta, apresia mos atleta sira ne’ebe mak esforsu no sacrifica ona sira nia an hodi bele ba tuir jogu internasional no tane as bandeira Timor-Leste iha nasaun vijinhu sira.
